Disko II-mut tunngatillugu sillimaniarpallaarunnaarput
Ilaasartaat ikkarlittoq kinngunngitsoorpoq unnummullu kaanngarnissaa naatsorsuutigineqarpoq.
Ulikkiartoqqilermat politiit taamatut naliliipput.
– Unnugu ulippat umiarsuup kaanngarnissaa naatsorsuutigaara, politimesterip tullia, Bjørn Bay, oqarpoq.
Umiarsuaq kaanngassappat Qeqertarsuup umiarsualivianukarsinnaatitaassaaq. Tamatuma kingorna Søfartstyrelsenip umiarsuaq angalaqqissinnaanersoq aalajangiiffigissavaa. Bjørn Bay naapertorlugu umiarsuaq Panamami angerlarsimaffeqartutut nalunaarsorneqarsimavoq. Tassa imaappoq illoqarfimmi maani oqartussaasut umiarsuup angalaqqissinnaanera imminut illersorsinnaanersoq aamma naliliiffigeqataaffigissagaat.
Søfartstyrelsenimi paasiniaasartut suna pillugu ikkarlittoqarsimanersoq paasiniartussaavaat. Direktør, Søren Rasmussen, Albatros Travel, naapertorlugu – Disko II-mik attartortut – umiarsuup naalagaa ukiorpassuarni nunatta imartaani angalasarnerminik misilittagaqarluartuuvoq.