DK: Partiimi siuttoq qaratsamigut aanaartoorluni toquvoq
Søren Pape Poulsen tallimanngormat Konservativit siulersuisuisa ataatsimiinneranni qaratsamigut aanaartoorpoq.
Konservativit siulittaasuat Søren Pape Poulsen qaratsamigut aanaartoornini pissutigalugu 52-inik ukioqarluni toquvoq.
Mailikkut oqarasuaatikkullu Ritzauimut partii taama ilisimatitsissuteqarpoq.
Partiip siulersuisuunerisa tallimanngormat Vejenimi ataatsimeersuarneranni qaratsamigut aanaartoorpoq Odensellu Universitetshospitalianukaanneqarluni, inuunerali annaanneqarsinnaasimanngilaq, partii nangilluni allassimavoq.
Ilaquttat qaninnerit inuulluaqqusereerput.
Søren Pape Poulsen 2014-imiilli Konservativini siulittaasuuvoq, 2016-imiillu 2019-imut inatsisinik atortitsinermut ministeriulluni.
Siulittaasunngunngikkallarami ilaatigut Viborgimi borgmesteriuvoq.
Søren Pape Poulsen inuttut isumassuisuusoq, allanik eqqarsaatiginneqqaartartoq partiimullu nuannarinnittuusoq, Konservativit nittartagaanni partiip allattaa Søren Vandsø allappoq:
- Inuunermini aallunnerpaasami nalaani toquvoq. Politikkikkut inuuneq, uagutsinnut pitsaanerusumik inuuneqalersitsisussaq. Utoqqarnut politikki nunanullu allanut politikki pillugu paasissutissiinermi nalaani uppippoq, misigisaalu kingulleq tassaavoq parteeqatiminit ersaartaanneqangaarneq.
Søren Pape Poulsen arfininngormat nalunaaqutaq 13.13 toqusoq Søren Vandsø aamma oqaluttuarpoq.
Kalaallit Nunaat nunanut siuarsarniakkanut assersuunneqarsinnaaneranik Søre Pape Poulsen 2022-mi oqareersorlu Kalaallit Nunaanni oqallisigineqarpoq.