Doris J: Palasi atorfissaqartinneqarpoq
Doris Jakobsenip, Siumut, akissuteqarfigeqquvaa Danmarkimi palasi sooq Kalaallit Nunaannit aningaasaalerneqartarunnaartoq
Siumut sinnerlugu inatsisartunut ilaasortaq Doris Jakobsen paragraf 36 malillugu naalakkersuisunut apeqqutigaa sooq kalaallit Danmarkimi palasiat Kalaallit Nunaannit aningaasalerneqartarunnaartoq tamatumunngalu suna pissutaanersoq.
- Ullumikkut kalaallit Danmarkimi najugallit kiisalu ilinniagaqartut, inuillu napparsimmavimmi katsorsartikkiartortut, parnaarussivinni parnaarussat kiisalu tarnikkut timikkullu nappaatillit, suli amerliartorput. Kalaallit kuisittartut, apersortittartut ilineqartartullu aamma ikiliartunngillat. Ajoraluartumik aamma Rigshospitalimut katsorsartikkiartortutut aappassaanillu katsorsartittut tappavaniinnerminni toqusartut amerlanerulersimapput, tamakkualu toqutinnatik ilaqutaasalu palasimik kalaallimik oqaloqateqarnissaminnik pisariaqartitsikulasarput, Doris Jakobsen apeqqumminut tunngavilersuivoq.
Taamaattumik naalakkersuisut akissuteqaqquvai kalaallit Danmarkimiittut siunissami palaseqarnissaannik Inatsisartut piumasaqaataat itigartinniarneraat.