Doris: Naalakkersuisuni ikiaroortartoqarpoq
Naalakkersuisunut ilaasortaq minnerpaamik ataaseq ullut tamaasa hashimik atornerluisarpoq, Inatsisartunilu inuit qinigaasa akornanni hashi atugaasorujussuuvoq. Inatsisartunut ilaasortaq Doris JakobsenAG-mut taama oqarpoq.
Annonse
- Inatsisartunut Naalakkersuisunullu ilaasortat hashimik pujortartartut arlalippassuariarlunga tusartarsimavara. Naalakkersuisunut ilaasortaq ullut tamaasa hashimik pujortartartoq aamma tusarsimavara.
- Inuit qinigaasa akornanni hashimik atornerluisoqartartoq kikkut tamarmik oqallisigaat. Inunnit tatigisannit tusartarsimavara, ajuusaarnartumilli ilisimasamik saqqummiunnissaat ersissutigisarpaat, Doris Jakobsen oqarpoq.