Dronningip Kalaallit Nunaat eqqaassavaa?
Millionærinngorusukkuit Dronning Margrethep ukiortaami oqalugiarmermini Facebook imaluunniit Wikileaks taassagai aningaasanoorutigiinnaruk.
Ukiutoqqami qummoroortartutut, kransekagitut champagnetullu ukiut nikinneranni amerlasuunut ileqquuvoq Dronning Margrethep ukiortaami oqalugiarnera.
Aningaasanoortitsisarfiit amerligaluttuinnartut oqalugiaataanik eqquiniaasitsisalerput. Oqaaseq eqqoriakkat dronningip oqaatigppagu eqquissaatit. Dronningip oqaatsip eqqoriakkavit oqaatiginissaa ilimanannginneruppat oqaatigippagu eqqukkatit amerlanerussapput.
Tamatumunnga atatillugu Kalaallit Nunaata Danmarkip imaluunniit 2011-ip taaneqarnissaatut ilimanartigaaq, aningaasanoortitsisartut arlallit aningaasanoortitsisartut allattorsimaffiat Spilexperten.com malillugu naliliipput.
Aningaasanoortitsisarfiit oddsii uani takukkit:
Danmark: Odds 1,01 Nordicbet/Betsafe/Bet24
Kalaallit Nunaat: Odds 1,01 Nordicbet/Bet24/Betsafe
Savalimmiut: Odds 1,05 Bet24/Danbook
2011: Odds 1,10 Nordicbet/Danbook
2010: Odds 1,15 Bet24
Prinsgemali Prins Henrik: Odds 1,15 Bet365/Betsafe
Ilaquttani: Odds 1,10 Bet24/Scandic
Afghanistan: Odds 1,30 Scandic
Imarsiortut: Odds 6,25 Danbook
Rådhusip nalunaaqutai: Odds 20 Nordicbet
WikiLeaks: Odds 20 Bet24/Betsafe
Facebook: Odds 25 Bet24
Matchfixing: Odds 200 Nordicbet
FC København: Odds 333 Danbook
Ataqqinartorsuaq Dronningi ukiut tamaasa decembarip 31-ianni qallunaat nalunaaqutaat malillugu nal. 18.00 ukiortaami oqalugiartarpoq. Oqalugiarnera Dronningip Amalienborgimi ilassinnittarfianit Christian IX´s palæ-mit tv-kut radiokullu aallakaatinneqartarpoq. 1941-imi ukiutoqqami ukiortaami oqalugiaat, Christian 10-ata oqalugiaataa, siullermeersumik radiokut aallakaatinneqarpoq.
Paaserusuppiuk Dronning Margrethep ukiuni kingullerni oqalugiartarnermini qulingiluani oqaatsit suut atorniartarnerai atuarsinnaavatit uani.