Dronningip inuuissiornera
Dronninngip inuuissiornerani qamutilittartoqarlunilu manniuserluni arpattatoqassaaq
Ataqqinartorsuaq Dronning Margrethe sapaatiuppat 77-nik ukioqalissaaq. Tamanna Nuup ilaani Nuutoqqami persuarsiutigalugu nalliuttorsiutigineqassaa.
Sapaatiuppat inuit amerlanngitsut 77-inik ukioqarlutik oqarsinnaassaapput.
Ataqqinartorsuaq Dronning Margrethe 77-nik ukioqalissaaq.
Atuaruk: Kim Kielsen kunngikkormiut nereqatigiinnerannut peqataassaaq
Tamanna ileqqut malillugit Nuup ilaani Nuutoqqami sapaatiuppat ataqqinartorsuaq nalliuttorsiutigalugu erinarsorfigineqarluni, oqalugiarfigineqarluni qamutilittarfigineqassaaq.
Manniuserluni arpanneq
Ulloq poorskiusussaammat, ukioq manna takkussimasunut sammisaqartitsisoqassaaq.
Atuaruk: Christiansborgimi kunngikkormiut nereqatigiinnerat
Talittarfimmi manniuserluni arpatsitisoqassaaq katersugaasivimmilu qiortaatitsisoqassalluni. Tassani prinsesset kunngillu niaqorutai qiortarneqarsinnaassapput.
Pisussat
Nuutoqqami pisussat ima tulleriaartitserneqarsimapput:
- Kl. 11.55 Nuutoqqami tikilluaqqusineq
- Kl. 12.00 Qamutilittarneq
- Kl. 12.05 Borgmester Asii Chemnitz Narupip pilluaqqusinera
- Kl. 12.15 Ataatsimoorluni inuuissiortup erinarsorfigineqarnera
- Kl. 12.20 Sammisaqarneq
- Kl. 12.30 Meeqqat manniusertillugit arpatsinneqassapput
Danmarkimi sivisunerpaamut tulliulluni naalagaaffimmi qullersaasoq.
Ataqqinartorsuaq Dronning Margrethe aappaat Danmarkimi 1972-imi Dronningunngorpoq.
Taamaasilluni taanna sapaatiuppat ukiuni 45-ni naalagaaffimmi qullersaasimasutut aamma imminut oqaatigisinnaalissaaq.