Dundasimi avatangiisnik mingutsitsineq
Amerikamiut Dundasimi mingutsitsisimasorujussuupput. Saliinq 2010-mi aallartissaaq, amerikamiulli akiliissanngillat.
Uummannatoqami, aamma Dundasimik taaneqartartumi, eqqakkat nunamut matoorussat saqqummeralerput. Amerikamiut mingutsisisimasorujussuupput, ingasangaarami allaat uumasunik ulorianartorsiortitsisumik.
Nunap iluanut pissutsinut naalakkersuisoq Anhon Frederiksen nalunaarusiamik qallunaat naalakkersuisuinut tunniussissaaqq, tassanilu saliinissamik pisariaqartitsineq allaaserineqarsimavoq.
– Avatangiisinut ministeri Troels Lund Pouldsen ataatsimeeqatigissavara, Dundasimilu saliinissamik pisariaqartitsineq pillugu nalunaarusiaq tunniutissallugu. Pilersaarutaavoq mingutsitarujussuarmik saliinissaq 2010-mi aallartinneqassasoq, Anthon Frederiksen Kattusseqatigiit Partiianneersoq oqarpoq.
Namminersornerullutik Oqartussaasimasut Dundasi 2003-mi tigunikuuaat sulleqatigiissitarlu 2005-imi avatangiisinut tunngasunik misissuilerpoq massakkullu nalunaarusiorsimalluni.
– Amerikamiut eqqaavigisimasaminnik saliinissaq akilerumanikuugaluarpaat. Qallunaalli naalahaaffiata aningaasaqarnermut akisussaaffik tigunikuuaat. Nassuiaat inatsisartut ukiakkut ataatsimiinneranni saqqummiutissavara naatsorsuutigaaralu saliinissaq 2010-mi aallartinneqarumartoq, Anthon Frederiksen oqarpoq.