Fiskekrig
Edmund: Danmarki assigiinngisitsisinnaava?
Inatsisit Tunngaviusut malillugit naalagaaffimmi innuttaasut assigiinngisinneqassanngillat. Edmund Joensen, Sambandspartiimeersoq folketingimullu ilaasortaq Venstre-nut ikiortissarsiorpoq
– Quianaannarpoq EU-p Danmarki pinngitsaalimmagu nammineq innuttaminik assigiinngisitsinissaanik.
Savalimmiut aalisapilunnerat pillugu EU-p pillaaneranut qallunaanit politikerinit arlalinnit oqartoqarpoq. EU juulip 31-anni aalajangerpoq savalimmiut aalisarnerat mattunniarlugu, Danmarkilu ilisimaneqartutut EU-mut ilaasortaagami taamaasioqataassaaq.
Naalagaaffeqatigiinnerli EU-mit pingaarnerutinneqartariaqarpoq, partiit talerperliit tunuliaqutaat arlallit isumaqarput.
Taamatut ullumi allappoq JyllandsPosten.
Aamma atuaruk: Savalimmiut ammassuassuarniarnerannut EU pillaateqarpoq
Savalimmiuni Sambandspartiet sinnerlugu folketingimut ilaasortap Edmund Joensenip ajornartorsiut tamanna Venstre-mik oqaloqatigiissutiginiarpaa, partiilu ukiorpassuarni Savalimmiunit ilaasortamik talerperliiusumik suleqateqarsimavoq.
– Qallunaat inatsisaat tunngaviusut malillugit innuttaasunik assigiinngisitsisoqarsinnaagami? Ilumut taamaasiortoqarsinnaanersoq misissorniarpara, Joensen allakkatigut akissummini allappoq.
Savalimmiut 2010-mi pisassanik 85.000 tonsiniit 150.000 tonsinut amerlivai. Ataatsimoorluni pisassanik aaqqissuussinissamik isumaqatigiinniarnereit 2012-mi juulimi ajalusoorput.