Ellemann: Sillimaneq annertusisariaqanngilaq
Kalaallit Nunaanni uuliamik qalluisoqarnerani sillimaniarnermi piumasaqaatit annerusariaqanngitsut, avatangiisinut ministeri Karen Ellemann isumaqarpoq.
Annonse
Taama KNR-imut erseqqissaavoq.
- Kalaallit Nunaanni Nordsømilu sillimaniarnermi piumasaqaatit assigiipput, taamaattumik Kalaallit Nunaanni sillimaniarnerup pitsaasuunera qularinngilara, Karen Ellemann oqarpoq.
Mexicop kangerliumarngani uuliamik maqisoornerup kingorna maani aarleqquteqartoqalernera Karen Ellemannip miserratiginngilaa. Taamaattumik naqissuserpaa maani oqartussaasut uuliasiortussanut qanoq piumasaqaateqassanerlutik eqqumaffigisariaqaraat.