Eqqoriaanerit imaaginnavissut
Ukiaru politikikkut eqqartorneqassaaq, namminiilivinnerlu oqallisissarujussuussalluniaasiit. NaalagaaffiupNamminersorlutillu Oqartussat naatsorsuutigisat naleqqussassagaat, partiip siulittaasua siunnersuivoq.Professori malillugu »free association« qanorpiaq isumaqarnersoq ilisimaneqanngilaq.
Apriilimi tunngaviusumik inatsisissamut missingersuummik Inatsit tunngaviusussaq pillugu Isumalioqatigiissitat tamanut saqqum - miussineranni akunnerit amerlasuut qaangiutinngillat Dansk Folkeparti (DF)-p Mette Frederiksen pissarsiarineranut. Aviisi AG taama allappoq.
Ministeriuneq akeqquneqarpoq:
- Inatsisinut tunngaviusunut siunnersuut akuerineqarpat, taassuma malitsigisaanik Kalaallit Nunaat nammineq naalagaaffimmi qullersaqalerluni, naalagaaffimmit tapiissutit ingerlaannarnissaat illit isumaqatigaajuk? DF-imit apeqqut taama nipeqarpoq.
Immaqa ministeriunerusimasup Lars Løkke Rasmussenip oqallisaa sukangarpaluttumut assingusoq, 2017-imi nalunaarutigimmagu, »Kalaallit Nunaat namminiilivereerpat naalagaaffimmit tapiissutit sivisunerusumik pinissaat naatsorsuutiginngilaa«.
Alla aamma ministeriunerusimasoq, Nyrup Rasmussen, akileerusunngilaq. Ukiut 20-t matuma siorna savalimmiormiunut nalunaarut nipeqarpoq savalimmiormiut namminiilernissartik aalajangerpassuk, ukiut sisamat ingerlaneranni naalagaaffimmit nuussisarnerit unissasut.
Mette Frederiksenip aporaatilersinnaanissaq malunnartumik pilersaanngilaa apeqqullu nigorsimaniarpaa: - Kalaallit Nunaata namminiilivissinnaaneranut pisumik siusinaartumik akulerukkusunngilanga, Dansk Folkepartimut taama akissuteqarpoq.
Taamaasillutalu nalorsitsaarummiilerpugut, suli kalluarneqanngitsumi; nunagisavimmut tamakkiisumik ilaannakuusumilluunniit atassuteqarunnaarnissaq innuttaasut amerlanerit kissaatigippassuk Kalaallit Nunaata aamma Qallunaat Nunaata akornanni susoqassava? Politikeri ataaseq ilanngutassaqarpoq, Jens-Frederik Nielsen Demokraatit siulittaasuat.
Saqqummerneq
- Periutsit ilimasunnernik pinnagit piviusunik tunngaveqartikkaanni silatusaarneruvoq. Ingammik angerlarsimaffitsinni namminersorneq eqqartoraangatsigu. Kisianni piviusoq unaavoq, uagut nunasiaataasimasutut qanoq pisinnaatitaaffeqarnersugut ilisimaneqarpianngimmat, uagullu kissaatigisatsinnut Qallunaat Nunaat qanoq iliorniarnersoq kimilluunniit eqqortumik ilisimaneqanngimmat, Jens-Frederik Nielsen oqarpoq.
Ukiakkut ataatsimiinnermi oqallisissatut siunnersuutikkut suliap eqqartorneqarnissaa qulakkeerpaa.
Allaaserisaq tamaat AG-mi sapaatip-akunnerani saqqummersumi atuaruk, uani: