Kangerlussuaq
Eqqumiitsunik ammalortunik toqunartulinnik nassaartoqartoq
Qallunaatut sø-tomatinik taaneqartartut toqunartuliortartut tuusintillit arlaqartut, Kangerlussuup eqqaani kuunni nassaarineqarput
Kangerlussuup eqqaani kuunni arlaqartuni ilisimatuut uissuumminartumik nassaarput; søtomatinik taaneqartartut; cyanobakteeriat ammalortut iipilitut angissusillit, tuusintillit arlaqartut ataatsimoortorpassuit ukiunit 25-it tikillugit utoqqaassuseqartut nassaarineqarput.
Aviisi Ingeniøren taama allappoq.
Tingummut ajoqusiisartoq
Taakkunannga kuup naqqani ulikkaarpoq, tingumillu ajoqusiisartumi toqunartumik mikrocystinimik annertuumik pilersitsiortungaarmata, imermik misissuinermi ersarissumik takuneqarsinnaapput.
Taakku søtomatit ataatsimoortut taama amerlatigitsillugit takuneqarnikuunngillat, ingammillu ilisimatuut tupaallatsippaat, cyanobakteeriat toqunartuliortartut nalinginnaaumik imermi kissartumiittarmtam, koraalini ikkanninnguuttuni inuussutissaqarnerusuni.