Equutissiat: Atuisut kiap salloqittarpai?
Sapaatip-akunneri tamaasa niuertarfiit neqeroorutaat aviisit allakkanik nakkaatitsivikkut nakkartinneqartarput, taakku pinngitsoorsinnaanngilagut. Imaluunniit pinngitsoorsinnaavagut? Uani atuisut pillugit suliaq Lambit aqitsunnguit qitiutillugit paasiniaaffigineqarpoq.
Aqunngareerluni naammassilluni equutissiamik tigoriaannaqannginnera peqannginnera kiap misiginikuunngilaa. Tamanna pisoq nuanninngilaq, taamaattumillu maani angerlarsimaffimmi equutissiat nungunnginnissaasa isumagisarnissaannik kinguneqartitsivoq.
Taamaattumik kajumillunga suliarisarpara aamma aviisit neqeroorutit qimerloorsinnaasarlugit, taamaalillunga akisunaarinnginniassagama. Jyllandimi inunngorama iasilaartuuvunga.
Uani sapaatip-akunnerani neqeroorutit aviisit naqitat neqeroorutinik nassaarluarumallunga maluginiarpakka: Brugseni aamma Pisiffik.
Quppernerup affaani Brugsenip ilisimatitsissutigaa, Lambit equutissiat qulingiluat imaluunniit køkkenrullet 40,90 tikillugu sipaaruteqarfigineqarsinnaasut. Aningaasarpassuusut eqqarsarpunga, qujanartumillu equutissiat qassit akeqannginnissaat naatsorsuleruttorlugu unippunga.
Tassami Pisiffiup neqeroorutaani equutissiat taakkorpiaat Lambit neqeroorutaapput, kisianni tassani 43,90 koruunit tikillugit sipaarsinnaavunga.
Taava isumaqartoqarsinnaavoq, suliaq tassani naammassisoq: Lambit akikinniuunneranni Pisiffik ajugaavoq.
Kisianni taamaattoqanngilaq. Tassami nioqqutissat assigiit akii qimerloorluariarakkit Pisiffiup peqqusersaarfiginialeraanga misigisimalerpunga.
Pisiffik poortanut marlunnut 70 koruuninik akeqartitsivoq. Brugseni 59 koruuniinnarnik. Brugsenimilu ilaasortaagama aamma qaavatigut 3 procentimik akikilliliivigineqarpunga.
Qanoq ililluni oqaatsinut ”43,90 koruunit tikillugit sipaaruteqarnissamut” attuumassuteqarpa?
Apeqqut taanna equutissianik pisinianut allanut eqqarsaatigeqquinnarniarpara. Tassami inuit assagut eqqiluitsuutikkusuppagut aamma salloqittarneqarusunngilagut.
