Arnanut
Ernumaneq akiorlugu
Nini Biilmann illissami paavatigut cellinik allanngoriartortunik nassaarfigineqarami pingaarutilimmik aalajangeerpoq. Nappaat inuunermut naalaganngortinnianngilaa. Nuannaarusuppormi
Nini Biilmann anniaatinik, ernumanermik kiserliornermillu atugaqarnermini immikkuullarilluinnartumik iliuuseqarpoq.
Anniaatit ima sakortutigisarput pisussinnaajumalluni nipaallisaatitortariaqartarluni. Ima qasoqqatigisarpoq sulereerluni angerlaraangami ualit tamaasa sinittariaqartarluni. Tamatuma peqatigisaanik ernumavoq – meerartaanngisaannarnissani ernumagalugu, kræftinnguutissagaluarpallu toqqutiginissaa ernumagalugu. Aamma ilaquttani Nuummiittut maqaasisorujussuuai.
36-nik ukiullip Nini Biilmannip illissami paavani cellinik allanngoriartortoqarneranik siorna aappassaa paasitinneqarpoq. (Paasissutissat sinaani takukkit) Manissaqarfimmi aqqutaani aamma qaariaqarpoq akussamigullu anniaateqartaqaluni:
- Imminut oqarfigaanga nappaatitut uannut pissaaneqartutut isigisinnaagiga, imaluunniit uanga pissaaneqarfigisutut isigisinnaagiga.
Anniaatini akiorniarlugit ullullu tamaasa suliartortarniarluni aalajangerpoq, napparsimasutut misigisimarusunnginnami. Tamatuma saniatigut nappaat eqqarsartaatsikkut timikkullu akiorniarlugu aalajangerpoq.
Nini pillugu allaaserineqarsinnaasoq tamaat aviisimi Arnanumi atuarneqarsinnaavoq. Arnanut ataani pisiarineqarsinnaavoq: