EU-p sinaarniarnera Nunatsinnut sunniuteqassaaq
Brexit sipaarniarnissamillu pilersaarutit pissutigalugit Kalaallit Nunaat EU-mit 164 millioner koruuninik annaasaqartussatut inissisimavoq. Tamanna Danmarkimi nunanut allanut ministerip uppernarsarpaa. – Kisianni Bruxellesimi aningaasanik allarpassuarnik pissarsisoqarsinnaavoq, oqarpoq
Brexit Bruxellesimut annaasaqaataasorujussuussaaq.
Tuluit EU-mut ilaasortaajunnaarnerat ukiuni aggersuni akisuujussaaq, sipaarniarnerillu
EU-mi siamasissumik nassaariniarneqassallutik; aamma Kalaallit Nunaannut aningaasaliissutini tapiissuteqartarnermillu aaqqissuussani.
AG allappoq.
Danmarkip nunanut allanut ministeria, Anders Samuelsen (Liberal Alliance), naapertorlugu, Kalaallit Nunaat taamaattumik piffissami 2021-miit 2027-mut ataatsimut
katillugit 164 millioner koruuninik annaasaqartussatut inissisimalerpoq.
Annaasassalli Samuelsen naapertorlugu taartissarsineqarsinnaapput Kalaallit Nunaata EU-mi aningaasaqarfinnit allanit aningaasanik pissarsiniarsarineratigut.
- Annaasassat (164 millioner koruunit, aaqq.) Kalaallit Nunaata aningaasaliissutinik allanik arlalissuarnik nutaatut pissarsisinnaalernissaa tunngavigalugu isiginiarneqassapput, ilaatigut ikiuiniartarnermi suliniutinik nunallu immikkoortui
akimorlugit suliniutinik, 45 millioner koruunit missaannik (335 millioner koruunit, aaqq.) aningaasartaqartunik. Aningaasat taakkua Kalaallit Nunaannut aningaasaliissutit saniatigut aningaasaliissutaapput, Anders Samuelsen AG-mut paasissutissiivoq.
Allaaserineqartoq tamakkiisumik uani atuaruk: