Nuup Kangerlua
Festivalip imigassartaqanngitsup programmi piareerpoq
Qooqqut Festival tallimanngorpat aallartissaaq. Festivali Nuup Kangerluani pissaaq
Ukioq manna aamma festivalimi imigassartaqanngitsumi, Qooqqut Festivalimi, assigiinngitsorpassuarnik aaqqissuussinerpassuaqassaaq, tamanna kulturip illorsuata Katuap aaqqissuutissavaa.
Qitilluni takutitsisoqassaaq, aliikkusersuisoqarlunilu nunami sammisaqartitsisoqassaaq.
Aaqqissuussaq tallimanngorpat aallartissaaq, Nuup Kangerluanilu pissaaq.
Ulikkaartoq
Aaqqissuussaq akeqassanngilaq ilaqutariinnullu piukkussagaalluni, meeqqaniit inersimasunut utoqqarnullu aaqqissuussat assigiinngitsut pilersaarusiorneqaleruttorlutik.
Katuap Arctic Umiaq Line suleqatigalugu inuit assartornissaanik periarfissaqarput, nerineq unnuinissarlu aamma periarfissaallutik. Taakkuli bilitsit tamarmik nungunneqakatareerput.
Siorna assit takukkit: Qooqquni aliikkusersuinersuaq