Folkebevægelsen: kalaallit Nunaat pilluarit
- Inuiaat nammineq aalajangiisinnaatitaanerannut nutaarsiassaq nuannersoq, taamak Europa Parlamentimi ilaasortaq Søren Søndergaard oqaaseqarpoq.
Folkebevægelsep EU Parlamentimi ilaasortaatitaat Søren Søndergaard Kalaallit Nunaata illoqarfiisa pingaarnersaanniippoq taasineq qaninnerpaamiit malinnaaviginiarlugu.
- Kalaallit inuiaat erseqqilluinnartumik namminersornermut angernissigut pilluarujussuaritsi. Kalaallit maanna namminneq nunaminni oqartussaalerulissapput aammalu Kalaallit Nunaannut namminersulivissumut sulinissamut periafissagissaarnerulerlutik, tamanna kissaatigipassuk, Søren Søndergaard oqarpoq.
Søren Søndergaard isumaqarpoq innuttaasut taasitinneqarnerat Kalaallit Nunaannut pitsaasuusoq. Kisianni aamma tamanna nunarsuarmioqarigiinnut tamanut takutitsineruvoq iluatungeriinni marluusuni tamaginni piumassuseq pigineqarpat namminersornermut apeqqutit eqqissisimasumik demokratiillu sakkui atorlugit qanoq aaqqinneqarsinnaanerannut.
- Sumiiffinni amerlasuuni - assersuutigalugu EU-mi - aalajangiisarnerit innuttaasuniit ungasilligaluttuinnartumik nuukkiartorneqarnerat takuarput. Taamaaliornerup inerneraa demokratii naqisimalerneqartoq innuttaasullu oqartussaajunnaarsinneqarlutik. Kalaallit inuiaat aqqut alla atorniarlugu aalajangerput. Taamaattumik innuttaasut taasitinneqarnerisa inernerat inuiaat namminneq aalajangiisinnaatitaanerannut nutaarsiassaavoq nuannersoq, Søren Søndergaard oqarpoq.
Kalaallit inuttaasut taasinerat namminersornermut erseqqilluinnartumik Aap-iuvoq. Kalaallit innuttaasut 70 procentii sinnillit taasinermi peqataapput, taakkunanngalu 75,54 procentit angerput, 23,57 procentit naameerlutik.