Franskit aappariit politiit aasariaqarpaat
Franskit aappariit utoqqaat Tunup avannaani ujakkaarutinik angalanerminni aputeqarpallaarneranik ingerlariaqqissinnaanngillat. Taakku aaneqarnissaat politiit sulissutigaat, pigaartut pisortaat oqaluttuarpoq.
Tunumi ujakkaarutinik angalaarneq franskinut aappariinnut pissanganartorsiorfiuvoq, taakku ataasinngornermi ullaakkut politiinit ikiorneqarnissaminnik qinnuiginnittariaqarsimapput.
Politiit nal. 07.26 Garmin Inreach atorlugu politiit attaveqarfigineqarsimasut, Kalaallit Nunaanni Politiini pigaartut pisortaat, Karl Sværd, Sermitsiaq.AG-mut ilisimatitsivoq.
- Aappariit aputeqarpallaartumi sumiiffimminnit ingerlariaqqissinnaanngillat. Unitik tikillugit aputeqartoq nalunaaruteqarput, taamaattumillu ikiorneqarnissamik qinnuiginnipput. Nerlerit Inaannit qulimiguulimmik aallersinnaasumik inniminniiniarluta sulissuteqarpugut.
Aappariit Liverpool Landimiipput, taanna qeqertaasaavoq Ittoqqortoormiit, Kangerterajiva aamma Jameson Landip akornanniittoq.
- Pisoq aqutamik ingerlavoq aamma silagippoq, pigaartut pisortaat oqaluttuarpoq.