Frederik nalliunnermini qaaqqusivoq
Norgemi aamma Sverigemi kunngissakkut ikinngutimilu ilaat qaninnerpaat ilagalugit kunngissaq Kancillihusetimi nerisitsilluni imminut nalliutsippoq.
Aatsaat pingasunngorpat kunngissaq Victoria, kunngissaq Haakon aamma kunngissaq Frederik paasisassarsiorlutik Nunatsinnut angalaqatigiissapput. Taamaakkaluartoq nunani avannarlerni kunngikkormiut taakku ullumikkut Danmarkimut tikissapput kunngissaqatertik Danmarkimiittoq 41-liisoq nalliutsinniarlugu, Se og Hør taamatut allaaserisaqarpoq.
Kancellihusetimi Frederik pisortatigoortuunngitsumik nalliussiniarpaat marlunngornermi unnukkut, Frederiup ikinngutai qaninnerpaat qulit kisimik aamma qaaqqusaasimapput.
Skandinaviamiut kunngissakkut nuannisalaarnermik nuannarisaqaraluarlutik, taamaattoq franskit viinniliaannik pitsaasumik viinnisorpallaartariaqanngillat. Pingasunngornermi Nunatsinnut angalasussapput, ataasinngornerup tungaanut taamatut angalassallutik.