GA-p ilaasortaasa isumaqatigiissut akueraat

Taammak sulisitsisut peqatigiiffiata pisortaa Henrik Leth ilisimatitsivoq.

Isumaqatigiissut påske sioqqullugu isumaqatigiissutigineqarpoq, taamalu akissarsiatigut allatigullu pitsaannguutissat ukiuni tulliuttuni sisamani 11 procentiupput.

Sulisartut kattuffiata SIK-p isumaqatigiissut isummerfigissavaa, immikkoortortaqarfiit akornanni ilaasortanik tamanik taasisitsinikkut. Tamatuma inernera ataasinngorpat paasinarsissaaq, SIK-p siulittaasuata Jess G. Berthelseniop ilisimatitsissutigaa.