Gassimik puiaasat uppissimasut pillugit orniguttoqarpoq
Gassimik puiaasat uppissimasut Nuummi containerinut talittarfimmi gassimik aniasoqarsinnaaneranik aarlerisitsipput.
Ataasinngormat ullaap tungaani nalunaaqutaq 10.47 politiit nalunaarfigineqarput Nuummi containerinut talittarfimmi gassimik aniasoqarsinnaasoq, taavalu qatserisartut politiillu sumiiffimmut ornigupput.
Pigaartut pisortaata Malik Olesenip Sermitsiaq.AG-mut oqaatigaa gassit puiaasat uppissimasut, puiaasallu arlallit qaarsimanissaannik aarleqqutiginninneq nalunaarutiginninnermut pissutaasimasoq.
Qatserisartulli sumiiffimmi misissuereermata paasineqarpoq puiaasaq ataasiinnaq qaarsimasoq, qatserisartullu pisortaata nalunaarutigisimavaa suliaq naammassineqartoq:
- Qatserisartut gassi isumagaat, maannalu suliaq naammassereerpaat, Malik Olesen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...