GEUS: Sisoortoqarsinnaanera suli ulorianaateqartorujussuuvoq
Qaqqat sisoornissaannut ulorianaatillit sukumiisumik misissorneqassapput
Misissuinemi paasineqarpoq, Karrat Kangerluanni qaqqanik annertuumik sisoortoqarsinnaanera suli ulorianaateqartorujussuusoq.
Naalakkersuisunut siulittaasoq Kim Kielsen paragraf 37 naapertorlugu akissuteqarnermini Aqqa Samuelsenimut (IA) allappoq.
Inemiliiffiusunik misissuinerit
Naalakkersuisut ataatsimiinnerannit imaqarniliaat juunimeersoq naapertorlugu Karrat kangerluani qaqqat innaasa annertuumik sisoorfiusinnaanerisa aarlerinaataannik misissuinissamut suliakkiissutinut najoqqutassaq ilanngunneqartoq akuerineqarpoq.
- Sumiiffimmi sumiiffiit pingasut ulorianartorsiorfiusutut naliliiffigineqarput. Tamatuma saniatigut misissuinermi paasineqarpoq, nunatsinni sumiiffiit (qaqqaqarfiit) allat 15-it qaqqat sisoornissaannik annertuumik imaluunniit annertoorsuarmik ulorianartorsiorfiusut. Taamaattumik qaqqat taakku ukiut tulliit pingasut ingerlanerini sukumiisumik misissuiffigineqassapput, Naalakkersuisut siulittaasuat ilisimatitsivoq.
GEUS, misissuinemik ingerlatsisuusoq ilisimatitsivoq, 2021-mi piffissaq orniguttarluni misissuiffiusoq naammassitinnagu misissukkat inemerinik inemiliiffiusunik piareertoqamissaa naatsorsuutiginngikkitsik.
Nunatta karsianit 9 millionit
Qaqqat annertuumik sisoorsinnaanerinik misissuinermut, 2017-2018-imi ingerlanneqartumut aningaasartuutit tamarmiusut 10 million koruuninik amerlassuseqarput. Misissuineq danskit naalagaaffiannit aningaasalersomeqarpoq.
- Sumiiffinnik ulorianartorsiorfiusunik misissuinerit ingerlaqqinnissaasa 24 million koruuninik akeqarnissaat naatsorsuutigineqarpoq. Danskit naalagaaffiat misissuinernut 15 million koruuninik tapiissuteqassaaq, sinnerilu 9 million koruunit Naalakkersuisut 2020-mut Aningaasanut Inatsisissamut Siunnersuutaannut ilaatinneqassapput, Kim Kielsen ilisimatitsivoq.
Upalungaarsimanermut atortorissaarutit
'Karrat Kangerluanni qaqqanik annertuumik sisoortoqarsinnaanera suli ulorianaateqartorujussuugaluartoq' upalungaarsimanermut atortorissaarusersuisoqassanngitsoq oqaatigaa.
- Naagga, Naalakkersuisut aningaasartuutit amerlassusissaannik ilisimasaqanngillat, kalerrisaarutinik maannakkorpiaq ikkussuinissaq pilersaarutigineqanngimmat, Kim Kielsen Aqqa Samuelsenip apeqqutaanut akivoq.