Godthåb Bryghus beat-imik sassaalliuteqartalissaaq
Godthåb Bryghus imigassamik aalakoornartortalimmik nutaamik, ukiup aappaa avillugu kingullermi ineriartortinneqarsimasumik, sassaalliisalissaaq.
Godthåb Bryghus-ip imigassaq nutaaq Beat-imik atserpaa, imigassarlu 4,0 procentimik imigassartalik maannamut taamaallaat imerniartarfimmi Garagen-imi Killut Gastropubimilu marsimi tuniniarneqalissasoq nalunaarutigineqarpoq.
Imigassaq taanna limetut mamassuseqarmat inuusuttunut tulluarsagaavoq.
- Shakerip mamarineqartup tuniniartakkatta saniatigut tunisassiamik pilersitsiniarluta eqqarsaatigisimavarput. Avataaneersunit nioqqutissanik eqqussuinissaq annikinnerpaaffissaanut inissinneqarniassammat maani Nuummi tunisassiarineqartuussaaq. Ullumikkut tuniniaanerup qanoq innera eqqarsaatigalugu, silaannarmut sunniuteqarpallaanngitsumik tunisassiorsinnaanerput nukittuffigaarput, imermik Kalaallit Nunaannut assartuisariaqarnata, Godthåb Bryghusimi pisortaaneq Jeppe Ejvind Nielsen oqarpoq.
Unammillernartut arlallit
- Ukiup aappaa avillugu tunisassiaq ineriartortinneqarsimavoq, tunisassiornermullu tunngatillugu suliarineqarnera tamaviaarluta suliarisimavarput. Immiortartut pikkorissut unammillernartorpassuarnik aaqqiisariaqarsimapput, maannali kiisami imigassaq piareerneqarpoq, atuisuttalu qanoq tigujumaarneraat takussallugu qilanaaraarput, pisortaq tusagassiuutinut nalunaarummi oqarpoq.
Imigassaq nutaaq imermit sukkuliarineqartumit sanaaq mamarsaasigaq ineriartortinneqarmat inuusuttut 18-it 24-llu akornanni ukiullit immiorfimmut tunisassiaq pillugu isummaminnik saqqummiusseqataapput. Meqqia najukkami titartaasartumit Tony Pedersenimit, immiorfiup immiaaqqat meqqiinik allanik titartaasartumit, sananeqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...