Grønlands Lægekredsforeningimi siulittaasoq taarserneqarpoq
Grønlands Lægekredsforeningip siulittaasusata, Jesper S. Olesenip, siulittaasuuffik siulittaasup tullianut, nakorsaanermut Ole Lindimut tunniuppaa
Jesper S. Olesen Grønlands Lægekredsforeningimi siulersuisunit siulittaasutullu tunuarpoq, Region Sermersuumi nunap immikkoortuani nakorsaanertut suliani aallunneruniarlugu.
Jesper S. Olesen ukiuni arfineq-pingasuni Grønlands Lægekredsforeningimi siulersuisuni ilaasortaanermini ukiuni kingullerni 4,5-ini siulittaasuusimavoq.
Nutaamik siulittaasunngorpoq Ole Lind, Nuummi Dronning Ingridip Napparsimmavissuani gynækologisk afdelingimi nakorsaaneq.
Jesper S. Olesenip siulersuisunut ilaasortaanermini ilaatigut nakorsanut isumaqatigiissutit pingasut isumaqatiginniuffigeqataasimavai.
Maanna siulittaasutut tunuartup siulersuisunut ilaasortat alla suleqatigalugit pilersaarusiorsimavaa tullianik ataatsimeersuannginnermi tunuarnissani.
Siulittaasut nikinnerat tusagassiorfinnut nalunaarutikkut tunngavilerneqarpoq nunap immikkoortuani nakorsaanertut suliaq annertusineqassammat piffissami, peqqinnissaqarfimmi qullersaasimasut misissuiffigineqarnerisa nalaani.