GU-mi ilinniartut pinngitsaalillugit unnukkut atuartinneqartarput
Aasianni GU-mi ilinniartut toqqisaatingaarmata ilinniartut arlallit unnukkut atuartinneqartariaqartarput.
Annonse
Marlunngornermi taamatut allaaserisaqarpoq AG.
Ukiup atuarfiusup aallartinnerani ilinniartut 185-it 1.G-mi aallartipput kiisalu immikkut ittumik ukiumi ataatsimi GU-kursusertinneqarnermi, nalinginnaasumit 47-nik amerlanerullutik.
Aamma taamatut ilinniartoqarpallaarnerata kinguneranik klassit 17-iusut init atuarfiusut 14-it agguarlutik atuarfigisariaqartarpaat. Ajornartorsiuteqarneq iluarsiiffiginiarlugu ilinniarfiup meeqqat atuarfianni init marluk attartorpai. Kisianni suna tamarmi iluatsissappat ilinniartut 30-t missaanniittut unnukut atuartinneqartariaqartarput.