GU-mi timersorneq ilaatikkusuppaat
Demokraatit kissaatigaat inuussuttut ilinniarusussuseq pinnguarusussutsimut akuutillugu periarfissinneqassasut.
Annonse
Tamannalu pissaaq GU-mi ilinniarnermi timersornerup pingaarnertut toqqarneqarsinnaasunngorlugu neqeroorutinngortinneratigut.
- Timersornermik ingerlatsineq tamanuussaaq. Piumasaqaatituaassaaq GU-mi ilinniarnissamut piukkunnaateqarneq. Timersorneq taamaalilluni pikkorinnerinnarnoorani GU-nerminni timersornermik ingerlatserusuttunut tamanut ammassalluni. Kisianni soorunami timersornermik ingerlatsinerullutik ilinniartunut ilisarnaataassaaq taakku timersornermik soqutigisaqartuunissaat aammalu sunngiffimminni timersuutini ataatsimik arlalinnilluunniit sammisaqartuunissaat, Demokraatit inatsisartunut ilaasortaatitaat Astrid Fleischer Rex erseqqissaavoq.