Haitimi inuiaqatigiit misigeqatigaat
Naalakkersuisut siulittaasuata Kuupik Kleistip Haitip ministeriunera Jean-Max Bellerive tapersiummik misiginneqataanermillu alllaffigaa.
Annonse
- Nunap sajunnera nunamut annertuumik atugarliortitsivoq, ajunaarnersuarmillu eqqugaasut qamannga pisumik misiginneqatigaavut. Haitimi inuiaqatigiinnik tapersersuinera inunnullu toqusoornermikkut aliasuttunik, sulilu annassimasinnaasunik ujaasisunut misiginneqataanera matumuuna nalunaarutigaara, Kuupik Kleist allappoq.
Allakkap saniatigut Naalakkersuisut aalajangerput aningaasatigut allatigullu tapersiiniarlutik Kalallit Røde Korsiata nuna tamakkerlugu katersuiniarneranut.