Politikki
Hans Enoksen: Siumut suliffissaaleqisunik sumiginnaavoq
Naalakkersuisut Piareersarfinnik ukiuni aggersuni nukittorsaaniarput
- Siumut pakatsissutigaara. Partii qineqqusaarnermi neriorsuivoq qinersinerup aqaguani nunami ajornartorsiutit tamarmik aaqqinneqareersimassasut. Maanna ukioq ataaseq qaangiuteerpoq suliffissaaleqisullu amerliartuinnavipput.
Taamatut oqarpoq Siumup siulittaasorsimasaa maannalu Partii Naleqqap siulittaasua Hans Enoksen.
Kalaallit Nunaanni Naatsorsueqqissaartarfimmit suliffissaaleqisut amerlassusaannut kisitsit kingulliit naapertorlugit naalakkersuisoqatigiit Siumumit aqunneqartut atuunneranni ukiumi siullermi suliffissarsiortutut nalunaarsorneqartut 255-inik amerleriarsimapput: 2013-imi apriilimi 3.782-iniit 2014-imi apriilimi 4.037-nut.
Siumup siulittaasorisimasaanit taamatut sakkortuumik isornartorsiuineq pivoq upernaakkut ataatsimiinnermi, tamatumani inuusuttut suliffissaaleqisut inuiaqatigiinni sullissisalernissaannik Hans Enoksenip siunnersuutaata Inatsisartuni oqaluuserineqarnerani
2014-imi apriilimi suliffissaaleqisunit 4.037-init 1.466-it 18 aamma 29-t akornanni ukioqartuupput.
Allaaserineqartoq tamaat aviisimi Sermitsiami atuarneqarsinnaavoq. Aviisi ataani pisiariuk: