Hans Petersen suli ujaarineqarpoq
Politiit 24-nik ukiulik Hans Petersen Aasianneersoq arfininngornermili tammaaneqalersoq suli ujaarivaat aamma suli paasissutissanik pissarsiffiginngilaat.
Annonse
Ilaqutaasut arfininngornermi unnukkut politiinut attaveqarsimapput, maqaasineqartoq nanertissimalluni aalakoorlunilu arfininngornermi nalunaaquttap 04.00-p missaani ilinniartut ineqarfiini najukkani qimallugu anisimasoq takunagalugu tusarfigisimannginnamikku.
Politiit marlunngornermi qulimiguulik ujaasitlersimavaat, sulili Hans Petersen sumiissusersineqanngilaq. Kalaallit Nunaanni Politiit pingasunngornermi taamatut ilisimatitsipput. Taamaammat innuttaasunit ikiorserneqarnissartik suli neriuutigaat.
Innuttaasut ujaasinermut iluaqutaasinnaasunik paasissutissaateqartut qinnuigineqarput, Kalaallit Nunaanni Politiinut oqarasuaat +299 70 14 48 sianerfigalugu attaveqaqqullugit.
Hans Petersen pillugu paasissutissat:
- Angut 24-nik ukiulik
- 165-170 cm-tut angitigisoq
- Naatsunik qernertunik nujalik
- Kingullermik takuneqarami qernertumik nasaqarpoq, tungujortumik taartumik kavaajaqarpoq Arc’teryx-iusumik, tujuulua qaqortuuvoq sungaartumik printitalimmik qernertunillu qarleqarluni.