Hashi 7,8 kilo nassatarigaa
Angut 35-nik ukiulik hashimik anngiortumik eqqussisimasutut unnerluutigineqarluni tigummigallagassanngortinneqarsimavoq.
Sermersuup Eqqartuussiviani tallimanngornermi aalajangiunneqarpoq, angut 35-nik ukiulik ulluni 28-ni tigummigallagassanngortinneqassasoq, hashimik 7,8 kilomik oqimaassusilimmik Kalaallit Nunaannut anngiortumik eqqussisimasututu unnerluugitineqarluni.
Angut Kangerlussuarmut sisamanngornermi tikikkami tigusarineqarpoq, tassani politiit hashi angutip nassataasa akornanni nassaarisimavaat.
Danmarkimi Toldstyrelse Københavns Politiillu 35-nik ukiulik hashimik Kalaallit Nunaannut anngiortumik eqqusilersutut pasillugu nunatsinni politiinut sisamanngornermi nalunaaruteqarmata angut tigusarisimavaat.
- Inatsit tunngaviusoq naapertorlugu matoqqasumik killisiuisoqarpoq, taamaammallu Kalaallit Nunaanni Politiit suliami immikkuualuttunik maannakkorpiaq saqqummiussisinnaanngillat, Kalaallit Nunaanni Politiit tusagassiorfinnut nalunaaruteqarlutik allapput.