Hashimi eqqusseriartoq
Angut 32-nik ukiulik arfininngormat hashimik 75 gramimik Aasiannut eqqusseriaraluarpoq.
Annonse
Aasianni politiit arfininngormat februaarip 28-iani Sisimiuniit sianerfigineqarput angutit marluk hashimik nassartut Sisimiuniit timmisartumut ilaasut. Politiit mittarfiliarput, tassanilu angut 32-nik ukiulik hashimik 75 gramimik nassataqartoq paasivaat.
– 75 grami 50-ip 75.0000 koruunit missaanni iluanaarutaasinnaagunarpoq. hashi grami ataaseq qulinngorlugu aggorneqarsinnaavoq, immaqalu klumpi ataaseq 200 kr.-ilerlugu tunineqarsinnaalluni, Aasianni politeeqarfimmi pisortaq Gerth Jakobsen oqaluttuarpoq.
Angutip aappaa Ilulissanut ingerlaqqittoq politiinit aamma tigusarineqarpoq. Taanna hashimik 8 gramimik nassataqarsimavoq.
Angut hashimik 75 gramimik eqqusseriartoq hashimik arsaarneqarlunilu pillaammik akiliisinneqassaaq.