Hashimik eqqussisoq 23-nik ukiulik eqqartuunneqassaaq
Hashimik eqqusisimasoq arnaq 23-nik ukiulik Ilulissani eqqartuussivimmut ataasinngornermi sassartinneqassaaq. Ilulissani politiit oqaluttuarput hashiutilik oqaatigitinnermi kingorna paasisaasimasoq.
Paasiniaalluni sulilluarnerup kingorna arnaq 23-nik ukiulik Ilulissani ullumi eqqartuussivimmut sassartinneqartussanngorpoq.
Ilulissani politiit ittuat Preben Markvardt sermitsiaq.gl.-imut oqarpoq.
– Inuit ilaat qujanartumik isumaqarput tama ajornanngitsigisumik ikiaroornartumik pissarsisoqarsinnaanera akuersaarneqarsinnaanngitsoq, taamaattumillu innuttaasut ilaannit kalerrinneqarsimavugut. Suliassaq kingumut ingerlallugu suliaraarput, arnarlu 23-nik ukiulik Ilulissaneersoq qanilliartuaarlutigu, Preben Markvardt oqaluttuarpoq.
23-nik ukiulik siornatigut politiinit ilisarimaneqanngilaq, taamaattoq politiit akiligassiisarnerini ilaatigut saqqummertarluni.
Qaammatit marluk matuma siorna politiit arnamik tigusarinnimmata paasinarsivoq arnaq hashimik 2 kilomik peqartoq. Hashi aqqusinermi tuniniassagaanni 2 million koruunit missaannik naleqarpoq.
– Tigusarinninnerput pillugu nipangersimasimavugut, ullumili arnaq eqqartuussivimmi sassartinneqassaaq, naatsorsuutigineqarpoq unnerluussisut piumasarissagaat arnaq ukioq ataaseq pillaatisineqassasoq, Preben Markvardt oqarpoq.