Hashimik eqqussisunut katillugit ukiut qulit
Kalaallit Nunaanni hashimi suliassani manna tikillugu annerpaamik angutit marluk arfininngormat eqqartuunneqarput.
Eqqartuussaasut tassaapput qallunaaq 63-inik ukiulik, siusinnerusukkut Nuummi sanasut naalagarisimasaat. Taanna ukiuni arfineq-pingasuni pinerluuteqarsimasunut inissisarfimmiittussanngortinneqarpoq, pineqaatissinneqarninilu akueraa.
Eqqartuunneqartup aappa kalaaliuvoq 42-nik ukiulik, taannalu ukiuni marlunni pinerluuteqarsimasunut inissiisarfimmiittussanngortinneqarpoq. Eqqarfissaqarumalluni qinnuteqarpoq, sapaatillu akunnerinik marlunnik periarfissinneqarpoq pineqaatissinneqarnermi eqqartuussivimmut qaffasinnerusumut ingerlateqqinnissaanut.
Angut marluullutik hashimik 118 kiilumik eqqusseriarsimasutut unnerluutigineqarnerminni imminnut pinngitsuutipput, taakkalu hashi Danmarkimiit Kalaallit Nunaannut eqquteriararluarpaat juulimi, angallammik 35 fodinik angissusilimmik.
Nuummili Eqqartuussiviup arfininngormat ullaap tungaani unnerluussisup ukiuni qulini pinerluuteqarsimasunut inissiisarfimmiittussanngortitsinissamik piumasaqaataa malippaa.