Hashimik eqqussisut 42.500 kr.-nik akiligassinneqartut
Sapaatip akunnerani kingullermi hashimik eqqussiniartunik malersuinermut atatillugu politiit marlunnik tigusaqarput.
Annonse
Sisamanngormat angut 27-inik ukiulik Nuup Mittarfiani tigusarineqarpoq, hashimik kiilup affaanik oqimaassusilimmik eqqusseriaraluartoq. Suliassaq naammassineqarpoq 20.000 koruuninik akiligassiinikkut hashimillu arsaarinninnikkut.
Talllimanngormat angut 28-nik ukiulik Nuup MIttarfiani tigusarineqarpoq, hashimik kiilup affarpiaata missaanik eqqusseriaraluartoq. Suliassaq naammassineqarpoq 22.500 koruuninik akiligassiinikkut hashimillu arsaarinninnikkut, taamatut nalunaaruteqarput politiit.