Hashimik niuertut eqqartuunneqartut
Nuup eqqartuussiviani angutit marluk pinerluuteqarsimasunut inissiisarfimiittussatut ippassaq eqqartuunneqarput. Nuummi politiinit ikiaroornartulerisunit tigusarineqarput Købehnavnip politiivini pinerliiniaqatigiinnik suliaqartunik suleqateqartoqareersorlu.
Ippassaq angut qalluunnaq 35-nik ukiulk angullu kalaaleq 23-nik ukiulik pinerluuteqarsimasunut inissiisarfimmiittussatut eqqartuunneqarput.
Februaarilli 25-ani angutit marluk Nuummi politiinit tigusarineqarput taamanili tigummigallarneqarlutik. Piffissami sivisuumi inuit allat hashimik annikitsumik Danmarkimiit nunatsinnut anngiortumik eqqussittarsimavaat. December 2009 katillugu hashi 3-4 kilo anngiortumik eqqussimavaat, iluanaarutillu Danmarkimut nassiuteqqittarlugit.
Arnaq qallunaaq eqqussisorisimasaat Danmarkimi unnerluutigineqarsimavoq sulili eqqartuunneqarani. Qaammammi kingulermi angut qallunaaq Sisimiuni eqqartuunneqarpoq taakku sinnerlugit eqqussisimalluni. Anngiortumik eqqussisisartut hashi iisassangorlugu aggorneqarsimasoq naarmiuralugu Altantikoq ikaartarpaat.
- Angut qallunaaq ukiumi ataatsimi qaammatinilu pingasuni pinerluuteqarsimasunut inissiisarfimmiissaaq, angullu kalaaleq ukiumi ataatsimi. Angummi kalaallimi aamma 725.000 kronit arsaarinnissutigineqarput angummilu qallunaami 963.000 kronit, politiinit ikiaroortartulerisunit Finn Jeppesen oqarpoq.
Nuummi politiini ikiaroornartulerisuni Københavnimi politiit pinerliiniaqatigiinnik suliallit suleqatigalugit annertuumik paasiniaasoqareersorlu angutit tigusarineqarput.
Angut kalaale qaamma politiimut sulinngiffeqartumu nakuusersimanini pillugu eqqartuunneqarpoq, taannalu ulluni 30-ni inissiisarfimmiinnissamik eqqartuunneqassutigaa.