Heilmann Danmarkimi toqutsisimasutut ujarneqartoq
Viborgimi politiit ullaap tungaani perorsaasumik 46-nik ukiullimmik toqungasumik naammattuipput, taanna ippassaq paarsat najugaqarfiannit tammaaneqartoq - politiit ujaaraat Kristian Heilmann
Attaveqarnermik sulialik Kurt Stenfeldt, Midt- og Vestjyllands Politineersoq Sermitsiaq.AG'mut ilumoornerarpaa ujagartik Kristian Heilmann, kalaallinit kingoqqisuusoq.
Arnaq ippassaq ualikkut tammaaneqalerpoq, tarnimikkut napparsimasut atornerluisullu angerlarsimaffiannit Blåkjærgårdimit biilerluni aallarnermi kingorna. Arnap ilaasoraa 39-nik ukiulik eqqoriarneqarporlu orpippassuarni pisuttuarniartut.
Biili Skoda Fabia silvi-qasertoq, politiinit Aarhusimi nassaarineqarpoq maannalu teknikkikkut misissorneqartussanngorpoq. Politiit maannamut oqaatigiumanngilaaq arnaq 46-nik ukiulik qanoq toqunneqarsimanersoq.
- Nalunngilarput affarmut kalaaliusoq. Allatugaatigut naapertorlugit inuunini tamaat Danmarkimi najugaqarsimavoq, Kurt Stenfeldt fra Midt- og Vestjyllands Politi oqarpoq.
- Kissaatigaarput imminut nalunaarutigipallassasoq piffissammi sivisorujussuanngitsup iluani politiinit tigummisaalersussaavoq.
Kurt Stenfeldt oqaluttuarpoq, politiit suna tamaat angullugu Aarhusimi toqutsisumik ujaasillutik.
Politiet ujaaraat Kristian Heilmann ulorianartuusoq, naapinneqassagaluarpat politiit saaffigineqarnissaat kissaatigineqarpoq.
Makku ilisarnaatigai
Kristian Heilmann, 39-nik ukiulik, 190 centimeterit missaannik angissuseqarpoq tuattuulluni.
Qasertunik eqqumiitsunik killukkanik nujaqarpoq, kiinaata nalaani sinnerinit 5 centimeterinik takinerit.
Qasertumik tujuuloqarpoq qaamasunik qarleqarluni. Immaqa Shell'imik kavaajaqarpoq.
Nunap killeqarfii aamma Storebælt ullaarli alapernaaserfigineqarput.