Her er ugens politirapport
Nuummi politiit sapaatit akunnerani kingullermi pisut ilaatigut nakuusernerit, toqumik qunusaarinerit aanngajaarniutillu misillerfigaat
Nuummi politiini pigaartoq Henning Siezing oqaluttuarpoq sapaatit akunnerani kingullermi suliassat 35-it suliarisimallugit.
- Ilaatigu tpineqarput nakuusernerit, toqunnissamik qunusaarinerit, sumiiffinni arlalinni tillinniarnerit, tillisanik pisinerit, aserorterinerit, aanngajaarniutinut inatsisaanik unioqqutitsinerit, allagartaqarnani biilernerit, imigassartorsimalluni biilernerit, nuanit allaneersunut inatsisimmik unioqqutitsinerit.
Nuummi politiit samaatip akunnerani qaangiuttumi ilaatigut makkuninnga suliaqarsimapput:
- Imminut toqunneq 1
- Angerlarsimaffinni eqqissiviilliornerit 14-t marlunni meerartaqartuni
- Imminut toqunniarluni qunusaarinerit pingasut, hashimik tuniniaanermut nalunaarnerit marluk, aqqusinermi eqqissiviilliornerit pingasut, navianartumik pinnguarneq ataaseq, kiisalu inummik paatsiveeruttumik nalunaarneq ataaseq
- Aamma politiit aalakoornermik pisunut arfineq marlunnut akuliussimapput. Marlunni ambulance aggersarneqartariaqarsimavoq
- Sapaatip akunnerata ingerlanerani inuit 17-it politiinit biilernermut misilinneqarsimapput, pingasut atuarfinni pinaveersaartitsinermik suliaallutik, nakuusernermiit oqaloqatigiinneq, eqqartuussivinniinnerit arfinillit, angallannikkut nakkutilliinerit sisamat imerniartarfinnilu nallutilliinerit pingasut.
- Tigusarinninnerit 16-it
- Unnukkut unnuakkullu politiit inuinnaat biiliisa angallannerannik nakkutilliisimapput, piffissami kingullermi inuinnaat biiliinik tillinniarnerujussuaq akiorniarlugu inuillu imigassartorsimanatik biilernersut takuniarlugu. Politiit biilertunik misissuiuassapput, tamannalu inuttaasut sungiuttariaqarpaat, Henning Siezing oqarpoq.