HHX-imi ilinniarnertuunngortartuni rekortiliisoqaqqippoq - aamma!

Ilinniarnertuut 26-t ukiuni pingasuni ilungersoreerlutik naammassipput, ukiut pingasut qaangiuttut aallartittut 70 procentingajaat. Tassalu tamanna Qaqortumi HHX-imi naammassinnittartuni rekortiliineruvoq, Qaqortumi Niuernermik Ilinniarfiup pisortaa, Torben Hansen oqarpoq.

– Takusinnaavarput atuarunnaartarnissamut iliuuseqarnerput iluaqutaasimasoq, ilutigalugulu karakteerit qaffariartoruusaarput. Ukioq manna karakteerileriaaseq 13-skala atorlugu klassimi karakteeri agguaqatigiissitsilluni 7,9-usoq, pisortaq tulluusimaartoq Torben Hansen oqarpoq.

HHX-imi ukiuni kingullerni annertuumik iliuuseqarsimapput ilinniarnerminnik taamaatitsiinnartarnerup annikillisarneqarnissaanut. Niuernermik Ilinniarfiup taamaattumik ilinniartitaanerup oqaluttuarisaanerani aatsaat taama amerlatigisut ilinniarnertuunngortut ullumikkut pilluaqqusinnaavai.

Uku Nunafondenimiit akissarsisinneqarput pitsaanerpaamik soraarummeernerminni angusaqarsimasutut:
Nr. 3 Lily Larsen aamma Klaus Nuka Andreassen agguaqatigiissillugu karakteeriat 8,9
Nr. 2 Margrethe Dahl agguaqatigiissillugu karakteeria 9,0
Nr. 1 Mikael Rasmussen agguaqatigiissillugu karakteeria 9,2

Qaqortoq Kommuneata legat tunniuttagaa Kit Dora Jensenimut tunniunneqarpoq, suliassani naammassilluarlugu suliaqartarmat aammalu ikinngutaalluarlunilu ikinngutiminut ikiuilluartarmat.

Uku HHX-imi naammassipput:
Saarlerni saamerlerniit: Pilunnguaq Nielsen, Paninnguaq Høegh, Salome Hansen, Petra Berthelsen, Niviaq Abelsen, Laila Lund Høegh

Qiterlerni saamerlermiit: Nivi Trondheim, Susanne Høegh, Johnna Labansen, Mona Absalonsen, Aqqalunnguaq Pedersen, Ludvig Lyberth, Niels Jakob Skade, Gabriel Kristensen, Lily Larsen, Naja Olsen

Tunorlerni saamerlermiit: Nukajaraq Olsen, Paalu Møller, Kenneth Mortensen, Klaus Nuka Andreassen, Mikael Rasmussen, Ilannguaq Møller, Margrethe Dahl, Kit Dora Jensen, Erna Jensen.

Saamerliuvoq pisortaq Torben Hansen.
Thomas Andreassen assimi ilaanngilaq.