How to swallow a whale – arfeq qanoq iinneqarsinnaava
Suliniut How to swallow a whale tassaavoq kalaallit qallunaallu ataatsimoorullugu Venedig Biennalen 2012-mut nunarsuarmi illussanik titartaanikkut saqqummersitsinerit annersaannut ilanngussaasa ilaa
Aallarniut
Suliniut How to swallow a whale tassaavoq kalaallit qallunaallu ataatsimoorullugu Venedig Biennalen 2012-mut nunarsuarmi illussanik titartaanikkut saqqummersitsinerit annersaannut ilanngussaasa ilaa. Suliniut nunatsinni illussanik titartaasartunit TNT Nuummit qallunaallu suliffeqarfiinit Elkiær & Ebbeskov Arkitekternit Hausenbergimillu suliarineqarpoq.
Pitsaanerusumik siunissaqarniarluni sulineq qaninaariffiuneq ajorpoq. Ineriartorneq piviusoq tassaavoq iliuuserpassuit pisariaqartut imminnullu ataqatigiissut inernerat. Innuttaasunik aallaaveqarluni siunissap aalajangersarnissaa pineqarpoq. Ataatsimoorluta pingaartitatta aalajangersarnissaat pineqarpoq. Ataatsimoorussamik takorluukkat aalajangersarneqassapput ajunngitsumut ingerlasinnaaqqulluta. Taamaaliorniaraanni isumaqarpugut sakkussat pitsaanersarigaat inuiaqatigiinni oqallinnermi atituumi sukumiisumillu ingerlanneqartumi sapinngisamik inuit amerlanerpaat peqataanissaat. Aatsaat atituumik sukimiisumillu oqallinnikkut pingaarutilinnik nassuerutiginnittoqarsinnaavoq, taamaalilluni silatuumik aalajangiilluta aaqqiissutissallu eqqarsaatigilluagaasut ineriartortillugit.
Suliniut una taamatut sulinissamik tapersersuisuuvoq tunngaviusumillu qulinik apeqquteqarnermik aallartilluni. Apeqqutit ukioq naatinnagu Sermitsiaq.AG-mi takuneqarsinnaassapput. Oqalliseqataarusuttut tarmarmik eqqarsaatiminnilluunniit apuusserusuttut nunatta siunissaanik ilusilersueqataapput.
Oqallinneq ingerlaannarli..
Paasissutissat:
How to swallow a whale kalaallit qallunaallu suliffeqarfiutaasa suleqatigiinnerisa inerneraat, inuiaqatigiit ineriartornissaannut inuillu ajunngitsumik inuunissaannut ataatsimoorussamik anguniagaqartoq:
TNT Nuuk Kalaallit Nunaanni illussanik titartaasarfiit ilagaat Nuummi Københavnimilu allaffeqartoq. TNT Nuuk 1960-ikkunni pilersinneqarpoq Kalaallit Nunaani illussanik titartaasarfinni namminersortuni siullersaalluni. Titartaasarfimmi nutaaliorluni illussanik titartaasoqartarpoq pilersaarusiortoqarluni Issittumi sanaartornermik sukumiisumik paasinninnermik tunngaveqarluni. Uani sukumiinerusumik atuarsinnaavat: www.tnt-nuuk.gl
E+E Arkitekter Københavnip qeqqani inissisimapput, titartaasarfimmili Danmarkimi tamarmi sunik tamanik illussanik titartaasarput pilersaarusiorlutillu. Ilisimaneqaatigaat sanaartorfissap suuneranik paasinnilluartartutut, sumiiffimmi pitsaassutsinik pinngortitamillu. Uani sukumiinerusumik atuarsinnaavat: www.ee-arkitekter.dk
HAUSENBERG fagini arlalinni suliffeqarfiusoq illoqarfinni pilersaarusiornerminni innuttaasut inissisimanerannik ilaqartitsisartoq. Suliffeqarfimmi pisortat namminersortullu sullinneqartarput illoqarfiit inuiaqatigiillu ineriartortinneranni, anguniagassatut pilersaarusiaminni innuttaasut inuunerannik pitsaanerusumik tunaartaqartartut. Uani sukiinerusumik atuarsinnaavatit: www.hausenberg.dk