Hoydal aamma Joensen Folketingimi
Venstrep suleqataa Sambandspartiet aamma Republikaanerit Savalimmiuni ajugaapput.
Fogh Savalimmiunit tapersersorteqalerpoq. Republikaanerit Folketingimi kingumut ilaasortaatitaqaqqilerput.
Savalimmiormiut Folketingimi ilaasortaatitariligaat tassaapput lagmandiusimasoq Edmund Joensen Venstrep suleqataaneersoq Sambandspartiimeersoq, Høgni Hoydalilu Republikaanerineersoq.
Sambandsparti taasisunit 23,5 procentinik taaneqarpoq. Edmund Joensen Folketingimut ilaasortaasimasoq amerlanerpaanik taaneqarluni ilaasortanngorpoq. Sambandspartip Folketingimi Venstrep Folketingimi ilaasortai qangalili suleqatigisarpai, suleqatigiinnissallugu pilersaaruteqarpoq.
Republikaanerit taasisunit 25,4 procentinik taaneqarpoq. Høgni Hoydal partiimut siulittaasuusoq qinigaaqqippoq. Folketingimi Atlantiku Avannaani Suleqatigiit suleqatigai.
Partiit allat angisuut marluk folketingimi ilaasortaatitaqalerusullutik sulissuteqartorujussuit tassaapput Socialdemokratiit Folkeflokkenilu. Taakku taasisunit 20,4 aamma 20,5 procentinik taaneqarput. Folkeflokkenip Folketingimi ilaasortaatitarisimasani annaavaa, Anfinn Kallsberg qinersinissamut ilaasortaalluni. Kallsberg qinigassanngortinngilaq.