HTX'imi ilinniarnertuunngortut

HTX-imi ilinniarnertuunngortut 25-t Sanaartornermik Ilinniarfimmi kiisami naammassipput pingaartorsiorpaluttumillu naggataarnersiorneqarpoq nerisitsinertalimmik. Ilutigalugu siornatigut 1. htx-iusoq Sisimiuneersoq Jens Møller Norgemi UWC-mit (United World College) ilinniarnertuunngorpoq, - taamaalilluni ilinniarnertuut pingasut ilaqutaat, ilinniartitsisui ikinngutaallu nuannaarput.

Nuna-fonden htx-imi ilinniarnertuunngortunut pingasunut karakteeriginnerpaanut legatinik tunissuteqarput. Tassalu ukununnga: 1. Minik Lange Pedersen agguaqatigiissillugu karakteeria 10,1 , 2. Paninnguaq Larsen agguaqatigiissillugu karakteeria 9,8 , 3. Lars Pavia Mølgaard agguaqatigiissillugu karakteeria 8,9.

Ilinniartitsisut sinnerlugit htx Lars Pavia Mølgaardimut isumagissaarluartarluni atuaqatigiit ukiuni pingasuni ilinniarneranni pitsaasumik sunniuteqarluartarsimanera pillugu akissarsisippaat.