IA: Amigartoorutit ullut tamarluinnaasa amerliartorput

Naalakkersuisut aningaasaqarnermut inatsimmi sinneqartoortitsinissaq ajornartorsiutigaat.

Ukiuni tulleeriiaaginnarni amigartooruteqartoqarpoq. Politikerit siunissami ungasinnerusumi sinneqartooruteqarnissaq eqqoriarpaat. Assiliarli imaappoq, tamatumunnga taarsiullugu paarlattuanik ineriartortoqarluni nutaanik amigartooruteqartoqartarluni. Politikkilu tamanna Aningaasaqarnermut Siunnersuisoqatigiinni aningaasaqarnermut politikki pillugu ukiumoortumik nalunaarusiamik sapaatip-akunnerani matumani saqqummiussaqartumi ernumalersitsivoq.

Atuaruk: Økonomisk Råd: Vi udskyder de ubehagelige beslutninger

Ernumasut

Partii illuatungiliuttoq Inuit Ataqatigiit tamatumunnga assingusumik ineriartornermik ernummatiginnippoq.

- Aningaasanik isertitatsinnit amerlanerusunik atuivugut, aningaasaqarnerpullu pissutsinut sunniuteqarfigisinnaanngisatsinnut misikkarissorujussuuvoq, soorlu aalisakkat aatsitassallu nunarsuarmi akiinut, IA-p aningaasaqarnermut tunngasuni oqaaseqartartua, Naaja Nathanielsen, erseqqissaavoq.

- Ineriartorneq ilorraap tungaanut saatsissagutsigu ilinniarsimasut amerlanerit, ikiorsiissutinik pisartagallit ikinnerit suliniutinullu akilersinnaasunut aningaasaliissutit avataaneersut amerlanerit atorfissaqartinneqarput. Allanngortiterinerit pisariaqarput, aaqqissuusseqqinnerilli manna pilersaarutigineqartut pissutsit ilorraap tungaanut saatsinnissaannut tapertaavallaarnavianngillat, Naaja Nathanielsen naliliivoq.

Atuaruk: Inissiat aningaasaqarnerput aarlerinartorsiortikkaat

Aningaasaqarnermut Siunnersuisoqatigiit nalunaarusiaat Sermitsiami normu 39-mi sukumiisumik sammineqarpoq. Aviisi najukkanni pisiarfimmi imaluunniit ingerlariaqqiffissaq allaaserisap matuma ataaniittoq aqqutigalugu pisiarisinnaavat.

Sermitsiaq Uge 39 2015

Klik her for at læse