sipaarniarneq
IA Imakimit akunnerit 23-t sioqqullugit qaaqquneqarsimasoq
- Tuaviortumik iliuuseqartoqarnissaa anguniarlugu taama qaaqqusisoqarpoq, Ilinniartitsisut Kattuffiata siulittaasua Sivso Dorph oqarpoq. IA-p Imak partiillu allat sipaarniartoqarnera pillugu ataatsimeeqatiginiarlugit qaaqquai
Ilinniartitsisut kattuffiat Imak maajip 14-ani 15-anilu ataatsimiigiaqqusilluni qaaqqusimmat partiit tamaasa peqataasinnaasimanngillat. Kommuneqarfik Sermersuumi atuarfeqarfinni sipaarniarnerit qanoq sunniuteqassanersut ataatsimiinnermi siunertarineqarluni.
- Tuaviortumik iliuuseqartoqarnissaa anguniarlugu partiinik ataatsimiigiaqqusivugut, Sivso Dorph Sermitsiaq.AG-mut oqarpoq.
- Eqqorpoq partiit ataatsimiigiarnissamut qaaqquneqarnerat piffissaq sivikitsuusoq. Atuarfinni skiimaliornissat maannakkut ingerlanneqarmata piumasarisimavarput ataatsimiittoqapallannissaa, Sivso Dorph nassuiaavoq.
- Qaqussissut inussiarnersumik tigusimassagaluarparput, piffisssaqarnerulaarsimasuugutta. Akunnerit 23 sioqqullugu IMAK IA gruppia kommuneqarfik Sermersuumi qaaquvaa. Ilisimavarpullu Atassut akunneq ataaseq sioqqullugu aggersarneqarsimasoq, Mille Søvndahl oqarpoq nangillunilu:
- Oqaloqatigiitarnissaq pinngaartikkatigu isumaqatigiilluta IMAK aggersarneqarpoq Meeqqanut Ilaqutariinermut Atuartitaanermut ataatsimiititaliaanut. Taamaalliuta partiit tamarmik assigiimik paasissutissanik IMAK-imiit pissapput.
IMAK naatsorsuinera malillugu atuartitsinermi 76.420,53 tiimini ilaatigut sipaartoqassaaq.