IA-mit Siumumut

Inatsisartuni ilaasortaq alla Siumumut nuuppoq. Massakkut IA-meersoq Anders Olsen.

Anders Olsen Inatsisartut ataatsimiittarfianni parteeqatikumi Debora Kleistip saniani. Assi: Leiff Josefsen

netredaktion (netredaktion@sermitsiaq.ag)

Published 16 September 2010 - 10:23

Annonse

Inatsisartuni ilaasortap Anders Olsenip Inuit Ataqatigiit qimallugit Siumumut ilaasortanngortoq, Siumut siulittaasua Aleqa Hammond tusagassiuutinut ilisimatitsivoq.

Anders Olsenip nuunnerminut tunngavilersuutigaa naalakkersuisooqatigiinnit maanna politikki pingaarnersiuinerlu ingerlanneqartoq peqataaffigisinnaannginnamiuk.

- Inuiaqatigiit inuuniarneranni oqinnerulersitsinissaq siunertaralugu suliumagama maannalu aningaasatigut inatsisitigut inuiaqatigiinnik artukkiigaluttuinnarneq akuersaarsinnaannginnakku, Anders Olsen allappoq.

politikki inuiagatigiit