Politikki
IA: Naalakkersuisut pingaarnerusumik anguniagaat ersernerlupput
Partiit illua'tungiliuttut annersaata Naalakkersuisut siulittaasuat inuiaqatigiinni oqallinnermi saqqumilaanngippallaarnerarlugu isornartorsiorpaa
– Kim Kielsen takussaananilu tusarsaanngilaq. Tamanna peqatigalugu inuiaqatigiinni assigiinngissuseqarneq annertusiartorpoq, amigaatigaarpullu tusassallugu assigiinngissuseqarneq Naalakkersuisut qanoq annikillisarniarneraat, aqutsinerminnilu naleqassutsimut politikki suna tunngavigineraat, Inuit Ataqatigiit siulittaasuat Sara Olsvig oqarpoq.
Taassuma aamma paaserusuppaa Naalakkersuisut aqutsinerminni naleqassutsimut politikki suna tunngavigineraat.
Innuttaasut taasitinneqassappat?
– Naalakkersuisut aqutsinerminni ingerlaffitsik ersarinnerusumik saqqummiuttariaqarpaat, taanna oqarpoq.
Urani pillugu innuttaasut taasitinneqarnissaannik pingasunik siunnersuuteqartoqarpoq, isumaqarporlu Inatsisartut 2016-imi Upernaakkut Ataatsimiinneranni taakkua pingaarnersaasut.
Politikkikkut naleqartitat
– Tamakkua Inatsisartuni qanoq aaqqissanerivut nunatta demokratiskiusumik ineriartortuinnarnissaanut tunngaviussapput. Politikkikkut naleqartitat pineqarput, Sara Olsvig oqarpoq.
Aamma partiit naalakkersuisooqataasut annersaat isornartorsiorpaa:
– Nuannariinnarlugu Siumut erinarsunngilaq ´Urani naaggaarpara, eqqissinermut angertuugama´.
IA-p siulittaasuata Naalakkersuisunik isornartorsiuinera Sermitsiami sapaatip akunnerani saqqummersumi atuaruk. Aviisi pisiarisinnaavat uani: