IA-p inuusuttaasa Múte siulittaasutut qinigassanngortinnera taperserpaat
Inuit Ataqatigiit siulittaasussaattut Múte Bourup Egedep sassarnernera Inuusuttut Ataqatigiit nuannaarutigaat.
Múte Bourup Egedep Inuit Ataqatigiinni siulittaasutut sassarnissani aalajangiussimallu ullumi pingasunngornermi nalunaarutigaa.
Isumalluarfigineqartoq
- Inuusuttut Ataqatigiinni siulittaasorisimasatta partiitta siulittaasussaatut sassarnera nunnaarutigaarput isumalluarfigalugulu. Mútep aqutsilluartarnini ataqatigiissaarisarninilu ilisarnaatigai, Inuusuttut Ataqatigiinni annertuumik kivitsimalluni. Taamaammat siulittaasutut sassarnerani tapersiinerput nalunaarutigaarput, Inuusuttut Ataqatigiit siulittaasuat Bibi Motzfeldt, tusagaassiuutinut nalunaarut naapertorlugu taama oqarpoq.
Inuusuttut Ataqatigiit isumaqarput inuusuttumit akisussaaffimmik tiguseruttoqarneranik suaaruteqartoqarnera pingaaruteqartoq, tamatumunngalu Inuusuttut Ataqatigiit siulittaasut ima oqarpoq:
Inuusuttut akisussaaffimmik tigusinissaat
- Inuusuttut akisussaaffimmik tigusinerunissaat maanna piffissanngorpoq, Mútep sassarnera inuusuttoqatitsinnut sapiissusermik takutitsineruvoq pisariaqartitarput. Inuusuttut inuttut ataasiakkaatut inuiaqatigiittullu akisussaaffimmik tigusinissaat Inuusuttut Ataqatigiit pingaartitaannut tamanna aamma naapertuuppoq.
Inuusuttut Ataqatigiit ullumikkut Inuit Ataqatigiit siulersuisuunerini marlunnik ilaasortaatitaqarpoq, taamaattumillu ataatsimersuarnissami siulittaasumik qinersinermi sunniuteqarnissaq qularineqanngilaq.
