IA-p Marø siunersioqatigerusuppaa
Naalakkersuisunut ilaasortap Ammassallip Kommuniani meeqqat amerlanerusut sooq angerlarsimaffiup avataanut inissinneqartarnersut nassuiaatigissavaa
Inuit Ataqatigiit (IA) sinnerlugit Inatsisartunut ilaasortap Agathe Fontainip Ammassallip Kommuniani meeqqat amerligaluttuinnartut angerlarsimaffiup avataanut inissinneqartarnerat eqqumiigaa, taamaattumillu suliaq Inatsisartut Ilaqutariinnermut ataatsimiititaliaani qaqinniarpaa. Agathe Fontainip oqaatigaa Naalakkersuisut sumiginnaanermut paasititsiniutaannut aallartinneqarsimasumut tamanna akerliusoq, knr.gl allappoq.
- Akerlianik anguniagaq tassaavoq angerlarsimaffiup avataanut inissinneqartartut ikilisinneqarnissaat, Agathe Fontain oqarpoq, taannalu isumaqarpoq meeqqat atugaannik sammisaqarnerulerneq nassuiaatigineqarsinnaanngitsoq.
- Suliat aallartinneqartut kommunit ilisimasaqarfigisariaqarpaat taamaalillutillu pitsaaliuillutik. Pitsaaliuineruna siunniunneqartariaqartoq aammalu ilaqutariit suleqatigineqartariaqarput, Agathe Fontai oqarpoq.
Agathe Fontainip suliaq Ilaqutariinnermut ataatsimiititaliami qaqinniarpaa, tassani Tommy Marøemik siunersioqateqarnisaq siunertarineqarluni.