IA: Taasititsineq ukiamut nuutsinneqarli

Qaasuitsup Kommuniani kommunalbestyrelsimi ilaasortat novembarip 25-anni aalajangerpaat kommunip avinneqarnissaanut innutaasut taasinissaat martsip 25-ani ingerlanneqassasoq.

Taasinissamut qaammat ataasiinnanngortoq IA-mit taasititsinissaq isornartorsiorneqarpoq.

- Innuttaasunik oqaloqateqarneq paasisitsinianerlu suli aallartingitsoq 25. marts 2014 Qaasuitsup Kommuniata avinneqarsinnaaneranut taasisitsinissamik siunnerfeqarneq piviusorsiungilaq. Taamammat Qaasuitsup Kommuniani 25 marts innuttaasunik taasisitsiniarsarineq piviusorsiungilaq, IA-p kommunalbestyrelsimi ilaasortaatitaat sinnerlugit Ane Hansen oqarpoq.

Suliat pingaarutillit suli naammassinngitsut
- Apeqqut annertorujussuuvoq Qaasuitsup Kommuniani innuttaasuinuinnaq attuumassuteqangitsoq nunali tamakkerlugu isummersorfigissallugu nalilersussallugulu aamma pingaaruteqartoq.

Suliassat pingaaruteqartut suli naammassisimanngitsut erseqqissaatigineqarpoq.

- Angalanissami kikkut sumut qaqugulu ataatsimiisitsinerit ingerlanneqassanersut suli pilersaarusiorfigineqangillat pingarnertullu paasisitsinianermi aningaa-sartuutaajumartussat aningaasartuutissanut ilangunneqarnikuungillat sulilu saqqummiunneqaratik. Komuunit aqunneqarnerat pillugu Inatsisasartut inat-sisaat nr. 22, 18. november 2010-mersoq malillugu § 44, imm. 2 malillugu aningaasartuutissat kommunalbestyrelse-mit akuerineqarsimasussaapput tamannalu suli pingilaq.

Taasinissaq kinguartinneqarli
- Taamammat Inuit Ataqatigiit Qaasuitsup kommunalbestyrelsiani ilaasortaasut inassutigeqqissuarput pilersaarusiorluakkamik Naalakkersuisullu kommunit kattussuunneranut nalilersuisitsererpata ukiamut taasisitsineq ingerlanneqaq-qullugu, tamat oqartussaaqataanerat pitsaasumik pilersaarusiukkamillu inger-lateqqarlugu taasisitsineq ingerlanneqarpat innuttaasunut pitsaanerpaassoq, Qaasuitsup Kommuniani Inuit Ataqatigiit kommunalbestyrelseani ilaasortat oqarput.

Qaasuitsup Kommuniani borgmesteri Ole Dorph oqaaseqartinniarlugu Sermitsiaq.AG sulissuteqaleruttorpoq.