ICC-p UNICEF isumaqatiginngilaa

Kalaallit Nunaanni meeqqat kaattut pillugit oqallinneq paasissutissanik kukkusunik tunngaveqarpoq, ICC taamak isumaqarpoq. Suliniaqatigiiffiup UNICEF naqqiissuteqaqquaa, knr.gl allappoq.

Debatten om sultne børn i Grønland bygger på forkerte oplysninger, mener ICC-Grønlands formand Aqqaluk Lynge. / The debate about hunger among the children of Greenland is based on incorrect information, according to the ICC who now want Unicef to rectify their statements. Foto: Leiff Josefsen.

netredaktion (netredaktion@sermitsiaq.ag)

Published 2 February 2009 - 00:40

Annonse

Inuit Kattuffiat, ICC, isumaqarpoq Nunatsinni meeqqat kaattut pillugit oqallinneq kukkusumik paasissutissanik tunngaveqartoq. Kattuffiup maanna piumasariniarpaa FN-ip meeqqat illersorneqarnissaannik suliniaqatigiiffiata UNICEF-ip naqqiissuteqarnissaa.

- UNICEF tunngavissaqanngilaq oqassalluni Kalaallit Nunaat meeqqat pisinnaatitaaffiinik isumaqatigiissummik unioqqutitsisoq, taamaattumik suliniaqatigiiffik taanna naqqiissuteqaqqullugu piumaffiginiarparput, Nunatsinni ICC-p præsidentia Aqqaluk Lynge knr.gl - imut oqarpoq.

Aqqaluk Lynge isumaqarpoq UNICEF-ip misissueriaasia kukkusuusoq meeqqallu kaattut pillugit kisitsisit saqqummiussai ingattarserpallaartut.

– Imaanngilaq Kalaallit Nunaanni meeqqanik kaattoqarnera assortoriga. Kisianni UNICEF-ip naatsorsueriaasia isumaqatiginngilara. Suliniaqatigiiffik kukkusumik paasissutissiivoq tusagassiuutitigullu illuinnaasiorpallaamik paasissutissanik saqqummiussivoq imminnut iluaqutissatut atorniaannarlugu, Aqqaluk Lynge knr.gl - imut oqarpoq.

politikki inuiagatigiit