Iginneq Københavnimi Tivolimi politiit angut aallaallugu ikileraat

Angut tallimanngormat unnukkut politiinik aallaaneqarluni ikilerneqarpoq.

Københavnimi politiit uppernarsarpaat politiit patrulje suliffimmi sakkutik atorlugit angut aallaasimagaat.

-Politiit suliassatik suliaritillugit inuk takkuppoq aallaammillu tigusilluni. Taamaattumik politiit ingerlaannaq aalajangerput aallaasiminnik seqqorniarlutik, politiit aqutsisuunerat Peter Dahl, Københavns Politi, oqarpoq.

- Politiit tallimanngormat nalunaaqutaq 17.36 kalerrisaarut alarmcentral aqqutigalugu nalunaarutigaat Københavnip qeqqani H.C. Andersens Boulevard Stormgade-llu eqqaani aallaannissimallutik inullu ikilerneqartoq.

Ataasiinnanngitsoq

Qasseriarluni seqqortoqarsimanersoq ersarinnerusumik paasissutissiisoqanngilaq taamaattorli Peter Dahl oqarnera naapertorlugu "seqqorneq ataasiinnaasimanngilaq"

Angutip maanna qanoq innera ilisimaneqanngilaq. Ektra Blad naapertorlugu angut quttoqqamigut aallaaneqarsimaneragaavoq. Maanna aallaanninnerup pinngilaattaani politiit sulinerat pillugu paasissutissat ikittuinnaapput aamma angut pillugu paasissutissat killeqarput.

Qunutitsinermut tunnganngitsoq

Politiit naqissuserpaat angut taannatuaasimagunartoq aamma qunutitsinermut tunngassuteqarunanngitsoq.

Ileqqoq malillugu politiit sakkutik atoraagatigit maanna aallaanninneq Politiit Maalaartarfiata Qullersaqarfit Sunulluunniit Attuumassuteqanngitsumit misissorneqartussanngorpoq.

Taamaattumik H.C. Andersens Boulevard eqqaa annertunerpaaq matoqqatinneqarallarpoq, pinerluffiup misissorneqarnissaanut periarfissaqalernissap tungaanut.

-Aqqut matoqqatinneqarpoq Politiit Maalaartarfiata Qullersaqarfia Arlaannaannulluunniit Attuumassuteqanngitsoq Aarhusimit takkunnissaanut atatillugu, taamaattumik aqqutip ammaqqinnissaanut suli sivisulaassaaq Peter Dahl oqarpoq.

Aqqut matoqqatinneqartoq Glyptoteketimiit Tivolillu eqqaaniit Rådhuspladsip tunngaanut isorartutigaaq.

/ritzau/