Ikiaroornartuerniat paasisaasut
Nuummi politiit sapaatip akunnerata ingerlanerani ikiaroornartumik annertuumik arsaarinnissuteqarput. Innuttaasut tusarliinerisigut ikiaroornartoq annertooq arsaarinnissutigineqarpoq
Arfininngormat inissiat ilaat politiinit misissuiffigineqarmat hashi 357,8 gram aningaasallut 15.000 koruunit arsaarinnissutigineqarput. Sapaatip akunnerata ingerlanerani aamma arsaarinninnerit arlallit pipput.
Politiit sisamanngornermi tallimanngornermilu ikiaroornartuerniat ukkitaraat. Tallimanngormat illoqarfimmi tuniniaasunit 13,9 gram arsaarinnissutigineqarpoq. Sisamanngormat aamma 12,6 gram arsaarinnissutigineqarpoq aningaasallu 1.100 koruunit aamma arsaarinnissutigineqarlutik. Suliani inuit arlallit unnerluunneqarput.
Innuttaasut saaffiginnissutaat tunngavigalugu politiit misissuinerat arfininngornermi kinguneqarluarpoq. Inissiaq misissuiffigineqarmat hashi 357,8 gram aamma aningaasat 15.000 koruunit arsaarinnissutigineqarput. Inuit pingasut tigusarineqarput eqqartuussiviillu aqqutigalugit malersorneqarumaarlutik. Killisiuereernerup kingorna taakku iperagaapput.
Pinerluuteqarsimasunut inissiisarfimmut eqqusseriaraluartoq aamma paasisaavoq tassani hashi 0,8 gram arsaarinnissutigineqarluni.